TAKK FOR I ÅR FRIXTREME

​For eit år det har vore! Vi har storkosa oss og tatt ulike utfordringar på strak arm. Vi har pressa oss opp fjell, på ski, elevkveld, kompani frixtreme og utfordra ulike frykter.  
 
Vi starta året med en skikkelig fin tur til Loen. Der vi klatra via ferrata og blei betre kjent som klasse. Vi fekk sett ulike sider ved kvarandre da vi testa høgdeskrekken over den 120m lange hengebrua med 160m rett ned i eit jøl. Deretter tok klassa turen vidare til Slogen, ein tur vi ikkje kjem til å gløyme. Med storsekken traska vi innover dalen i strålande sol. Etter nokre timar la vi storsekken ifrå oss og begynte den bratte ferda vår opp mot toppen av slogen. Etter bratte klyv oppover og slitne bein nådde vi omsider ein av dei flottaste toppane vi nokon gong har vore på. Mange i frixtreme klassa ser på denna turen til Nordfjord og Sunnmøre som eit høgdepunkt frå året. 

​Kompani frixtreme var litt av ei veke! Grytidlig vekking med full alarm, for deretter å marsje uviten om kor lenge vi skulle gå var berre starten på den uforgløymelege veka vi hadde. Vi blei testa i både fysiske og psykiske utfordringar. Militærstup, 3000m, marsjing, rominspeksjon, IQ test og problemløysing var det kompaniaspirantane måtte teste seg i. Vi fekk virkelig kjenne på at “uten mat og drikke duger helten ikke”. Dei tøffaste gutane hang med nebbet, og streva med å ta seg framover på eit tidspunkt. Medan visse jenter aldri har vore så sure før som når dei måtte bære kettlebells over fotballbana i 1,5t. Rett og slett ei tung, men veldig lærerik veke. 

​Sør-Afrika!
Linjeturen vår til Sør-Afrika var ein 3 vekers tur vi aldri kjem til å gløyme. Til tross for at vi måtte stå opp kl.04 i to dagar var safari noko av det kulaste vi har opplevd i år. Vi såg the big five og mange andre typar dyr på nært hold. Løve berre fem meter fra bilen og å køyre heilt nærme ein elefant stamme i soloppgang var heilt magisk. Heile gjengen hoppa i fallskjerm på den kjende surfestranda Jeffreys bay, og når vi var i gong hoppa ein del av klassa i verdas høgaste strikkhopp 216m fritt fall, det var sjukt. Itillegg til at vi fekk oppleve det fine bylivet i Cape Town, besøkte vi og såg Soweto som gav oss eit syn på korleis fattigdom kan prege liva til mange i Afrika. I Soweto var vi på ein sykkeltur der vi lærte om Nelson Mandela, korrupsjon i landet og apartheid. Vi er jo ei aktiv linje så siste dagen sto vi opp før sola og gjennomførte maraton og halvmaraton. Her fekk alle kjent på stor mestring. Tre veker med strålande sol, uforgløymelege opplevingar og mange gode vennskap er noke vi tar med oss.

​Våren har bestått av mange flotte skiturar. Vi har stått i bakken i Myrkdalen, en skikkelig fin hyttetur som vi hadde ilag med sport and outdoor. Vi har fått testa skikunskapane på godt og vondt. Særleg kjipt når ein sett på fellane på skia feil veg og må gå med bakglatte ski opp halve fjellet. Vi har lært viktige ting om snøskred og korleis bruke skredutstyr. Dette kjem godt med vidare i livet. Fjellskituren over vidden i Bergen var en strålande tur med knall føre og stor trivselsfaktor. 

​No er vi snart ferdige på fhs. Siste veka har gått til mykje leik. Paintball, gokart, mesterenes mester og tapas med klassa har vore ein  flott avslutning på skuleåret. 
Takk for eit fantastisk år med opplevelsar vi vil ta med oss resten av livet. Og ikkje minst nye vennar som vi er blitt så glade i:)